Letra de ' Samba-Enredo 2024 - Cantar D'un Estrela ' de Estrela Azul

O, Sinhor Rei Momu, ondê ke bo ta?
Txeu jente ben oió-be
É Estrela Azul sendê bo lus
Bo brilha móda bo sabê

Na séu N oió-be ta pasá
Nha pensamente ta morá na bo
Nha vida é bo karnaval
Nha paixãu ten un nóm k'é Estrela
Kretxeu, ka txo-m mi so na kuarta-fera
60 pájina na tres dia
Txo-m ben kontá un bukadin des stória

Foi na 64
No da inís es kaminhada
Un Estrela pauza nes ilha
Ele trazê bril i fantazia
Tenpe ba ta korrê, nha Estrela ba ta kriá
Ma oje korpe i alma, nha korasãu é bo, o, Estrela

Estrela, bo bril é maiór
Na rabeka Mane Pxei, na gudja d'Artemiza
Na olhar di Toy Matizinhe
Na son dun violãu tokóde pa Paka

Estrela, bo bril é maiór
Na rabeka Mane Pxei, na gudja d'Artemiza
Na olhar di Toy Matizinhe
Na son dun violãu tokóde pa Paka

Ole le na ritim dun marxa
Ole le na jinga dun sanba

Si N ta podê para tenpe, N tava para-l nes momente
Pa Saniklau fká senpe ta surrí sima na mes fevrer
Korasons no transfomá, kantigas no kantá
Miludias fká gravóde pa tude tenpe

Estrela kanta 'Agua é Vida', 'Povo Africane', 'Deusa Africana'
Estrela kanta 'Brilho d'um Estrela', 'Ziriguidum', Balão Magico'

Estrela kantá, el kantá karnaval
El kantá ma ses jente, el inkantá
Estrela kantá, el kantá karnaval
Kantá ma ses jente, el inkantá

Na tersa-fera, tambor ta toká, fogete la na séu
Estrela Azul ta virá más un pájina se stória
Sintí un kalor na peite, na nha DNA N ta levó-be
N ta karregó-be pa nha vida intera

Se 1 mais 1 é 2, nh'amor pa bo ka ten limite
É mi ma bo, bo ma mi é ke ta fazê nos Estrela
Se 1 mais 1 é 2, nh'amor pa bo ka ten limite
É mi ma bo, bo ma mi é ke ta fazê nos Estrela

U-o-u-o-u-o-u-o
Podê txora é karnaval
U-o-u-o-u-o-u-o
Bijin pa bo, nha Estrela

Ma, Estreta Azul, bo ten puder
Ma, Estrela Azul, bo é majia
Ma, Estreta Azul, bo ten puder
Ma, Estrela Azul, bo é majia
Ma, Estreta Azul, bo ten puder
Ma, Estrela Azul, bo é majia
Ma, Estreta Azul, bo ten puder