Letra de 'Mini Story' de Bligg

Das isch mini story, mis läbe, mini gschicht, mini gägend
Min kampf, mis business und so wie's ich säge!
Das isch mini story
Das isch mini story, mis läbe, mini gschicht, mini gägend
Min kampf, mis business und so wie's ich säge!
S'läbe isch en movie
30. September 1976
Chunt es baby zur wält im unispital züri city
Sin vater isch stolz und mama isch zfride

De pfarrer tauft s'baby marco I de chillä.
S'geld isch knapp, s'langt für chleider und pampers,
Das baby wacht uf I bescheidne verhältnis,
Und es wird älter mit anderne chindä,
Im arbeiterviertel vo züri-schwamedinge.
Zwüsched autobahnusfahrt und reihehuussidlig
Entwicklet das chind sin ganz eigene wille

Isch zum shoppingcenter zoge, hät sich nüt chöne leiste,
Drum ahgfange chlauä und anderi scheisse!
En brüäder isch cho, e schwöster isch cho,
Als ältischt gschwüsterti isch d'verantwortig gross,
Sie sölled gfälligst läbe under bessere umständ,
Sind drum ufs land zoge, ines bessers umfeld.
Das isch mini story
Ich schriib mini biographie
S'läbe isch en movie

De regisseur devo bin ich
Chli marco het e gitarre übercho vom vater
Und hät es läbe gläbt, imne huus halb voll platte,
Sitzt elei im zimmer, hebt eis ohr a d'wand,
Ghört I de stube vo james brown bis rolling stones.
Kei intresse für d'schuel, meh intresse für musig,
Meh intresse für mädels und mit de jungs usä,
Macht sich null gedankä über e bruefskarriere

Hät öppis müäse mache und macht e lehr als sanitär, er
Chunt in kontakt mit rap, genau was er wett,
Keine nimmt's ernst, jedä haltet's für en witz.
3 Jahr spöter, er bestaht sini lehr,
Hät nur rap I sim schädel und kei ziit für's militär.
Sini erst eignig wohnig, mit 19ni,
Sini erst richtig fründin, sie heisst däni,
Sis eigne auto, sin eigne lohn
Und en u huäre dräcks job uf em bou

Das isch mini story
Ich schriib mini biographie
S'läbe isch en movie
De regisseur devo bin ich
Us marco bliggensdorfer, isch bligg worde,
De bligg het cd's gmacht und die sind gshipt worde,
Di erste konzert, die erste fans,
Und es team a de siite, wo glich tickt wie er.
Z'erst no als duo und spöter elei,
Elei alles gmacht, sogar flyer verteilt

De ersti vertrag mitere plattefirma,
Und marco hät sich gfühlt, als währi wiehnacht.
Trotzdem go schaffe, am 7ni uf de boustell,
Fühlt sich fähl am platz, wienen priester im bordell.
Mitlerwiile händ d'lüüt dänkt er seg en star,
Und er hät nödmal gwüsst, wiener d'stüüre zahlt das jahr.
Hät ziite gha, die wird er nie vergässe,
Woner nöd gwüsst hät, was er morn söll fresse

Das isch kei gschicht über e retorteband,
Das isch e gschicht vomne self-made-man.
Das isch mini story, mis läbe, mini gschicht, mini gägend
Min kampf, mis business und so wie's ich säge!
Das isch mini story
Das isch mini story, mis läbe, mini gschicht, mini gägend
Min kampf, mis business und so wie's ich säge!

S'läbe isch en movie
Das isch mini story
Ich schriib mini biographie
S'läbe isch en movie
De regisseur devo bin ich
Das isch mini story
S'läbe isch en movie